Hagnaður Lánasjóðs sveitarfélaga 2.117 m.kr. á árinu 2025
Hagnaður Lánasjóðs sveitarfélaga nam 2.117 milljónum króna á árinu 2025 samanborið við 2.070 m.kr. árið 2024.
Heildareignir sjóðsins námu 229 milljörðum króna í árslok 2025, sem er 8,5% aukning frá fyrra ári þegar þær voru 211 milljarðar króna. Heildarútlán jukust í 212 milljarða króna, en þau voru 200 milljarðar króna í árslok 2024. Ný útlán á árinu námu 20,6 milljörðum króna samanborið við 16,2 milljarða króna árið 2024.
Markaðsverðmæti verðbréfaútgáfu sjóðsins var 19,6 milljarðar króna í lok árs, en var 13,9 milljarðar króna árið áður. Útlán til sveitarfélaga voru í samræmi við útgáfuáætlun sjóðsins.
Eigið fé Lánasjóðsins stóð í 26,9 milljörðum króna í árslok, samanborið við 24,8 milljarða króna í árslok 2024. Vegið eiginfjárhlutfall samkvæmt lögum um fjármálafyrirtæki var 320% með fullri mildun, á móti 361% ári áður.
Stjórn sjóðsins leggur til að hluthöfum verði ekki greiddur arður vegna afkomu ársins 2025, í því skyni að styrkja stöðu sjóðsins og stuðla áfram að vexti eigin fjár.
| Rekstur ársins | 2025 | 2024 | 2023 | 2022 |
| Fjárhæðir í m.kr. | ||||
| Hreinar vaxtatekjur............................................ | 1.429 | 1.499 | 1.559 | 1.251 |
| Aðrar rekstrartekjur........................................... | 1.027 | 879 | 588 | 279 |
| Almennur rekstrarkostnaður.............................. | 339 | 308 | 282 | 270 |
| Hagnaður ársins................................................. | 2.117 | 2.070 | 1.866 | 1.260 |
| Efnahagur 31. desember | ||||
| Útlán og kröfur................................................... | 211.558 | 200.021 | 190.762 | 170.229 |
| Handbært fé, ríkisbréf og -víxlar......................... | 9.901 | 7.994 | 6.834 | 10.197 |
| Markaðsverðbréf, skuldabréf og aðrar eignir...... | 7.323 | 2.860 | 2.534 | 352 |
| Eignir samtals.................................................... | 228.782 | 210.875 | 200.130 | 180.778 |
| Verðbréfaútgáfa................................................ | 182.957 | 182.957 | 174.170 | 158.290 |
| Aðrar lántökur, skuldir og skuldbindingar........... | 6.533 | 3.125 | 3.237 | 1.630 |
| Skuldir samtals.................................................. | 201.872 | 186.082 | 177.407 | 159.920 |
| Eigið fé.............................................................. | 26.910 | 24.793 | 22.727 | 20.858 |
| CAD- hlutfall m/hefðbundinni mildun................. | 54% | 54% | 53% | 56% |
| CAD- hlutfall m/fullri mildun*............................. | 361% | 361% | 416% | 537% |
| Vogunarhlutfall.................................................. | 12% | 12% | 11% | 12% |
* Lánasjóðurinn nýtir sér mildunarákvæði vegna útlána til sveitarfélaga í íslenskum krónum sem eru með veð í tekjum sveitarfélaga.
Framtíðarhorfur
Lánasjóður sveitarfélaga gerir ráð fyrir að eftirspurn eftir útlánum verði svipuð og árið 2025. Starfsemi sjóðsins verður áfram rekin með sambærilegum hætti og áður, með áherslu á skilvirka þjónustu við sveitarfélög og ábyrga fjármögnun. Þá verður áfram lögð áhersla á að nýta sterkt lánstraust sjóðsins til að tryggja hagkvæma og stöðuga fjármögnun sveitarfélaga til framtíðar.
Nánari upplýsingar veitir: Óttar Guðjónsson, framkvæmdastjóri, s. 515 4949.