Lánasjóður sveitarfélaga býður sveitarfélögum, stofnunum og félögum í þeirra eigu bæði verðtryggð og óverðtryggð lán í íslenskum krónum, auk grænna lána til umhverfisvænna verkefna.
Lán eru almennt fjármögnuð með skuldabréfaútgáfu sjóðsins og ráðast lánakjör af þeim kjörum sem standa sjóðnum til boða á fjármagnsmarkaði hverju sinni. Auk skuldabréfalána býður sjóðurinn upp á verðtryggð lán með breytilegum vöxtum í takmörkuðu magni, sérstök NIB endurlán, lán í samstarfi við Þróunarbanka Evrópuráðsins (CEB), sem og skammtímaútlán og skammtímainnlán.
Í lánareiknivél Lánasjóðsins má reikna út greiðsluáætlun, sjá áhrif ávöxtunarkröfu á útgreidda fjárhæð og áætla greiðslubyrði einstakra lánategunda.
Leiðbeinandi lánakjör Lánasjóðs sveitarfélaga frá 12. október 2026:
Verðtryggð lán
LSS 39
Fastir vextir Já
Nafnvextir 4,20%
Ávöxtunarkrafa 4,20%
Lánstími 13 ár
Lokagjalddagi 20. feb. 2039
Afborgunartegund Jafnar afborganir
Gjalddagar 20. feb. og 20. ágúst
Uppgreiðsluheimild Nei
Uppgreiðslugjald Á ekki við
Uppgreiðsludagar Á ekki við
LSS 55
Fastir vextir Já
Nafnvextir 2,50%*
Ávöxtunarkrafa 4,05%*
Lánstími 29 ár
Lokagjalddagi 5. nóv. 2055
Afborgunartegund Jafnar afborganir
Gjalddagar 5. maí og 5. nóv.
Uppgreiðsluheimild Já
Uppgreiðslugjald Já
Uppgreiðsludagar 5. nóv. 2035 / 2045
Breytilegir vextir**
Fastir vextir Nei
Nafnvextir 3,98%**
Ávöxtunarkrafa Á ekki við
Lánstími Allt að 15 ár
Lokagjalddagi Skv. samningi
Afborgunartegund Jafnar afborganir
Gjalddagar Tvisvar á ári
Uppgreiðsluheimild Já
Uppgreiðslugjald Nei
Uppgreiðsludagar Á gjalddögum
* Samspil nafnvaxta og ávöxtunarkröfu í LSS 55
Við lánveitingar úr skuldabréfaflokknum LSS 55 er mikilvægt að hafa í huga hvernig samspil nafnvaxta og ávöxtunarkröfu hefur áhrif á útborgun lánsins. Kjarninn er sá að lánið er fjármagnað (lánað út) á ávöxtunarkröfu markaðarins hverju sinni, en greitt til baka miðað við fasta nafnvexti samningsins. Þetta skapar tvær mögulegar sviðsmyndir við útborgun:
- Þegar ávöxtunarkrafa er hærri en nafnvextir (Afföll): Ef ávöxtunarkrafan er hærri en nafnvextir lánsins myndast svokölluð afföll (vaxtakostnaður). Þá verður skráður höfuðstóll í lánasamningnum hærri sem nemur mismuninum á því sem greitt er út og því sem fékkst út úr útgáfunni, en mismunurinn bætist við höfuðstólinn og er greiddur niður jafnt og þétt yfir lánstímann.
- Þegar nafnvextir eru hærri en ávöxtunarkrafa (Yfirverð): Þessu er öfugt farið ef nafnvextirnir eru hærri en ávöxtunarkrafan. Þá myndast svokallað yfirverð. Í þeim tilvikum er útgreidd lánsfjárhæð til lántaka hærri en sá skráði höfuðstóll sem greiddur verður til baka.
Til að sjá hvernig þetta samspil virkar í reynd mælum við með því að nýta lánareiknivél Lánasjóðsins. Þar er hægt að slá inn lánsfjárhæð og sjá hvernig mismunurinn á nafnvöxtum og ávöxtunarkröfu hefur bein áhrif á útgreidda fjárhæð, auk þess að sjá greiðsluáætlun yfir lánstímann.
** Verðtryggð lán með breytilegum vöxtum (takmarkað framboð)
Framboð verðtryggðra lána með breytilegum vöxtum er takmarkað og háð fjármögnunarmöguleikum sjóðsins hverju sinni. Gildandi vextir frá 1. ágúst 2026 eru 3,98%. Vextirnir eru að jafnaði endurskoðaðir ársfjórðungslega í samræmi við þau vaxtakjör sem Lánasjóðnum hafa boðist á markaði. Sögulega vaxtaþróun má sjá á undirsíðunni Þróun breytilegra verðtryggðra útlánsvaxta.
Óverðtryggð lán
LSF 32
Fastir vextir Nei
Breytilegir grunnvextir 3M REIBOR
Fast vaxtaálag 0,95%
Lánstími 7 ár
Lokagjalddagi 4. des. 2033
Afborgunartegund Jafnar afborganir
Gjalddagar og vaxtagjalddagar 4. mars, 4. júní,
4. sep., 4. des.
Fyrsta afb. höfuðstóls 4. mars 2031
Uppgreiðsluheimild Nei
Athugið um vaxtagjalddaga: Vextir lánsins eru greiddir á sömu gjalddögum og höfuðstólsafborgun (fjórum sinnum á ári). Þótt afborgun höfuðstóls hefjist ekki fyrr en 4. mars 2031, eru vextir greiddir á öllum gjalddögum lánsins frá upphafi.
Græn lán
LSS 40 GB
Verðtrygging Já
Fastir vextir Já
Nafnvextir 4,10%
Lánstími 14 ár
Lokagjalddagi 23. mars 2040
Afborgunartegund Jafngreiðslulán
Gjalddagar 23. mars og 23. sep.
Uppgreiðsluheimild Nei
Nánari upplýsingar um skilyrði og umgjörð grænna lánveitinga má finna á undirsíðunni Græn lán.
Önnur lán
- NIB endurlán: Sérstök verðtryggð lán (3,85% fastir vextir, 7 ára lánstími, lokagjalddagi 11. des 2033) til nýbygginga og endurbóta á grunnskólum, leikskólum og íþróttahúsnæði, allt að 50% af kostnaði verkefnis. Sjá nánari skilmála á undirsíðu NIB.
- Þróunarbanki Evrópuráðsins (CEB) og erlend lán: Lán til samfélagslegra og umhverfisbætandi innviðaverkefna á grundvelli lánsheimilda hjá CEB, auk lána í erlendri mynt í ákveðnum tilvikum.
- Skammtímalán (útlán og innlán): Lánasjóðurinn býður bæði upp á skammtímaútlán til að brúa tímabundna fjárþörf og skammtímainnlán til að ávaxta lausafé til skamms tíma. Hægt er að reikna út kjör skammtímalána í lánareiknivél sjóðsins.
Næstu skref í lántökuferlinu:
