Lán
Megintilgangur Lánasjóðs sveitarfélaga ohf. er að tryggja íslenskum sveitarfélögum, stofnunum þeirra og félögum lánsfé á hagstæðum kjörum með veitingu lána eða ábyrgða.
Helstu skilyrði lánveitinga:
Lántakar
Lánasjóðurinn getur eingöngu lánað íslenskum sveitarfélögum, stofnunum þeirra og félögum. Skilyrði fyrir því að hann veiti lán til félaga og stofnana sveitarfélaga er að þau séu að öllu leyti í eigu sveitarfélaga eða sveitarfélaga og annarra opinberra aðila, og að sveitarfélögin beri ábyrgð á skuldbindingum þeirra gagnvart Lánasjóðnum.
Sjá nánar: Félög í eigu sveitarfélaga
Tryggingar
Það er meginkrafa Lánasjóðsins að sveitarfélög setji tekjur sínar að veði fyrir lántökum hjá sjóðnum og fyrir ábyrgðum sem þau veita vegna lántöku félags eða stofnunar í þeirra eigu að fullu eða að hluta.
Sjá nánar: Veð í tekjum
Tilgangur lána
Lán til sveitarfélaga eru veitt vegna framkvæmda, endurfjármögnunar eða fjárhagslegrar endurskipulagningar samkvæmt nánari reglum sem stjórn Lánasjóðsins setur.
Sjá nánar: Lánshæf verkefni
Félög og stofnanir í eigu fleiri sveitarfélaga: Lán til félaga og stofnana í eigu fleiri sveitarfélaga takmarkast við ákvæði 2. mgr. 69. gr. sveitarstjórnarlaga nr. 138/2011 um ábyrgðir sveitarfélaga, sem eru túlkuð þannig að eingöngu sé heimilað að veita ábyrgðir vegna framkvæmda, meiriháttar viðhaldsframkvæmda eða endurfjármögnunar á lánum sem sannanlega hafa verið notuð til slíkra framkvæmda.
Allt um lán á einum stað:
Hvaða verkefni sjóðurinn lánar til, græn lán og félög í eigu sveitarfélaga.
Lánaflokkar, vextir og skilmálar ásamt skammtímalánum, NIB og CEB.
Reiknaðu greiðsluáætlun fyrir einstaka lánaflokka.
Umsókn, veð í tekjum, bókanir í fundargerð og útborgunarskilyrði.