Veð í tekjum
Skilyrði fyrir lánveitingu frá Lánasjóðnum er að sveitarfélag veðsetji tekjur sínar í samræmi við 2. mgr. 68. gr. sveitarstjórnarlaga nr. 138/2011.
Þetta á bæði við þegar sveitarfélagið sjálft tekur lán og þegar lántaki er félag eða stofnun í eigu sveitarfélags. Í þeim tilvikum ábyrgist sveitarfélagið lánsskuldbindingar viðkomandi félags eða stofnunar og tryggir ábyrgð sína með veði í tekjum sínum.
Sveitarstjórn skal með bókun í fundargerð samþykkja:
- Lántöku sveitarfélagsins eða ábyrgð sveitarfélagsins vegna lántöku félags eða stofnunar í eigu þess, eftir því sem við á; og
- veðsetningu tekna sveitarfélagsins til tryggingar skuldbindingunum.
Athugið: Samþykkt fundargerð með bókun um lántöku, eftir atvikum ábyrgð sveitarfélagsins, og veðsetningu tekna skal liggja fyrir áður en lán er veitt og greitt út. Sjá fyrirmyndir að bókunum á síðunni Bókanir í fundargerð.
Lagagrundvöllur:
2. mgr. 68. gr.
Sveitarstjórnarlög nr. 138/2011
Þrátt fyrir 1. mgr. getur sveitarfélag veitt Lánasjóði sveitarfélaga ohf. veð í tekjum sínum vegna lána sem það tekur hjá sjóðnum og vegna ábyrgða sem það veitir honum skv. 1. og 2. mgr. 69. gr. Ráðherra setur í reglugerð nánari ákvæði um tryggingar lánasjóðsins samkvæmt þessari málsgrein.
Reglugerð nr. 835/2012
Reglugerð um veð í tekjum
Í reglugerðinni eru sett nánari ákvæði um tryggingar Lánasjóðsins samkvæmt 2. mgr. 68. gr. sveitarstjórnarlaga.
Næstu skref í lántökuferlinu:
- Sjáðu hvernig bókun sveitarstjórnar á að vera orðuð á síðunni bókanir í fundargerð.
- Kynntu þér útborgunarskilyrði sem þurfa að vera uppfyllt áður en lán er greitt út.
- Til baka í umsóknarferlið.