Aðalmiðlarasamningar
Lánasjóður sveitarfélaga hefur gert samning við við fjögur fjármálafyrirtæki í tengslum við útgáfu skuldabréfa og viðskiptavakt á eftirmarkaði. Tilgangurinn er að tryggja sjóðnum aðgengi að lánsfé og efla verðmyndun á eftirmarkaði.
Eftirfarandi fjármálafyrirtæki hafa heimild til að kalla sig: “Aðalmiðlara með skuldabréf lánasjóðsins” til samræmis við þar til gerða samninga. Þau eru:
- Arion banki
- Íslandsbanki hf.
- Kvika banki hf.
- Landsbankinn hf.
Helstu atriði samningsins eru:
- Aðalmiðlarar hafa einir aðgang að útboðum Lánasjóðs sveitarfélaga ohf.
- Aðalmiðlari skuldbindur sig til að setja fram markaðsmyndandi tilboð í útboðum skuldabréfa lánasjóðsins að lágmarki 100 m.kr. að nafnverði samanlagt í þá flokka sem í boði eru í hverju útboði, að hámarki þó einu sinni í hverjum mánuði.
- Aðalmiðlarar hafa einir aðgang að sérstökum verðbréfalánum sem lánasjóðurinn veitir.
- Aðalmiðlari er viðskiptavaki á eftirmarkaði fyrir og setur fram kaup- og sölutilboð að ákveðnu lágmarki í Nasdaq Iceland kauphöllina fyrir opnun markaðar.
Skuldabréfaflokkarnir og lágmarkstilboðsskylda hvers flokks sem samningarnir ná til varðandi viðskiptavakt á eftirmarkaði er eftirfarandi:
| Skuldabréfaflokkur | Tilboðsskylda |
| LSS150224 | 10 m.kr. |
| LSS150434 | 40 m.kr. |
| LSS151155 | 20 m.kr. |
| LSS 39 0303* | 20 m.kr.* |
* Aðalmiðlarar þurfa ekki að setja fram tilboð í LSS 39 0303 fyrr en útistandandi nafnverð flokksins hefur farið yfir 5.000 milljónir króna.
- Aðalmiðlari skuldbindur sig til þess að verðmunur kaup- og sölutilboða hans fari ekki yfir 1% fyrir LSS150224 og LSS150434 en 1,25% fyrir LSS151155 og LSS 39 0303.
- Aðalmiðlara er skylt að endurnýja tilboð sín innan 15 mínútna frá því að þeim hefur verið tekið. Ef aðalmiðlari á viðskipti á einum viðskiptadegi fyrir samtals 200 m.kr. að nafnvirði með þá flokka lánasjóðsins sem viðskiptavakt er með er honum heimilt að víkja út frá hámarksmun kaup- og sölutilboða.