LS er fyrirmyndarfyrirtæki

22. okt. 2019

Lánasjóður sveitarfélaga er á meðal 2% íslenskra fyrirtækja sem uppfylla skilyrði Viðskiptablaðsins og Keldunnar og telst því Fyrirmyndarfyrirtæki í rekstri árið 2019.

Til þess að komast á lista Viðskiptablaðsins og Keldunnar yfir fyrirmyndartæki í rekstri þurfa fyrirtæki að hafa skilað ársreikningi og uppfylla ýmis skilyrði. Tekjur þurfa að hafa verið umfram 30 milljónir króna á rekstrarárinu 2018, eignir umfram 80 milljónum og afkoman þarf að hafa verið jákvæð. Þá þarf eiginfjárhlutfallið að hafa verið yfir 20%. Auk þessa er tekið tillit til rekstarársins 2017 og annarra þátta, sem metnir eru af Viðskiptablaðinu og Keldunni.

Við erum afskaplega stolt af þessari viðurkenningu sem hvetur okkur til að halda áfram og gera enn betur.