Græn skuldabréf

Sveitarfélögum gefst nú kostur á að sækja um lán til umhverfisbætandi verkefna

Lánasjóður sveitarfélaga (LS) hefur ákveðið að hefja útgáfu svokallaðra grænna skuldabréfa en tilgangur útgáfunnar er að fjármagna verkefni sveitarfélaga sem stuðla að umhverfisvernd og sporna gegn loftslagbreytingum sem er í takti við umhverfisstefnu Lánasjóðsins.  

Verkefnin sem fjármögnuð verða með grænum skuldabréfum þurfa að uppfylla þau skilyrði sem koma fram í umgjörð Lánasjóðsins en hann byggir á alþjóðlegum viðmiðum („Green Bond Principles“) sem International Capital Market Association (ICMA) hefur sett saman

Græn umgjörð LS hefur hlotið vottun frá Sustainalytics sem er leiðandi viðurkenndur vottunaraðili á heimsvísu. Samkvæmt vottuninni er umgjörð Lánasjóðsins trúverðug, áhrifarík, gagnsæ og í samræmi við ofangreind viðmið ICMA. 

Dæmi um fjárfestingar sem gætu fallið undir kröfur umgjarðarinnar eru umhverfisvænar samgöngur, vistvænar byggingar, endurnýjanleg orka og orkunýtni, fráveitur og meðhöndlun aukaafurða (úrgangs).

Markaðir Landsbankans er samstarfsaðili Lánasjóðsins við gerð umgjörðarinnar sem og sölu og útgáfu grænu skuldabréfanna. 

Lykilskjöl: 
Umhverfisstefna Lánasjóðs sveitarfélaga (íslensk þýðing)
Umhverfisstefna Lánasjóðs sveitarfélaga (á ensku) 
Græn umgjörð Lánasjóðs sveitarfélaga (íslensk þýðing)
Græn umgjörð Lánasjóðs sveitarfélaga (á ensku)
Vottun Sustainalytics
Umræðugrein um græna fjármögnun sveitarfélaga af vef Landsbankans