þegar lántakendur greiða af lánum í erlendum myntum

Við greiðslu afborgana og vaxta af lánum í erlendum myntum sendir lánasjóðurinn tilkynningu um greiðslu í erlendri mynt um það bil tveim vikum fyrir gjalddaga. Tveimur bankadögum fyrir gjalddaga er gengið síðan fest og greiðsluseðill sendur í íslenskum krónum og krafa jafnframt stofnuð hjá Rb. Hefur lántaki þá allt að fimm bankadaga eftir gjalddaga til að inna greiðsluna af hendi án viðbótarvaxta.

Ef lántaki vill greiða af láninu í erlendri mynt en ekki láta umbreyta kröfunni í íslenskar krónur skal tilkynna lánasjóðnum um það minnst fjórum bankadögum fyrir gjalddaga.

Þegar greitt er í erlendri mynt ber að inna greiðsluna af hendi á gjalddaga og er þá ekki gefinn fimm bankadaga gjaldfrestur. Bent er á að þegar greitt er í erlendum myntum þarf oftast að gefa viðskiptabankanum fyrirmæli um greiðsluna með tveggja bankadaga fyrirvara.

Greiða skal af lánum í erlendri mynt inn á gjaldeyrisreikning lánasjóðsins.  Ef greiðslan kemur frá öðrum banka en viðskiptabanka lánasjóðsins þarf að gefa greiðslufyrirmæli með minnst tveggja bankadaga fyrirvara.

Viðskiptabanki	Íslandsbanki, Kirkjusandi, Reykjavík
SWIFT	GLITISRE
Greiðslur í EUR:
Reikningur	596 29 65278
IBAN númer	IS60 0596 2906 5278 5804 0711 00
Færslubanki Glitnis	JP Morgan Chase Bank, Frankfurt
Greiðslur í USD:
Reikningur	515 38 101486
IBAN númer	IS65 0515 38 101486 580407 1100
Færslubanki Glitnis	JP Morgan Chase Bank, NY

Kennitala Lánasjóðs sveitarfélaga ohf. er 580407-1100.

 Ef um greiðslur er að ræða í öðrum myntum vinsamlegast hafið samband við lánasjóðinn.

14.10.2009