Lánasjóður sveitarfélaga hefur ákveðið að efna til útboðs á LSS150224 föstudaginn 27. ágúst. Lánasjóðurinn stefnir að því að taka tilboðum að fjárhæð 500 milljónir króna að nafnvirði. Lánasjóðurinn áskilur sér rétt til að hækka og lækka útboðsfjárhæð útboðsins, taka hvaða tilboði sem er eða hafna þeim öllum.  Samkvæmt aðalmiðlarasamningi lánasjóðsins við Arion banka, Íslandsbanka, MP Banka og Saga Capital Fjárfestingarbanka, hafa aðalmiðlarar einir rétt á tilboðsgerð.

Óskað er eftir tilboðum í samræmi við eftirfarandi lýsingu:

Afkoma lánasjóðsins á fyrri hluta ársins 2010 var umfram væntingar og er tekjuafgangur 941 m.kr. á móti 586 m.kr. fyrir sama tímabil fyrra árs. Munur milli ára felst í gengishagnaði vegna erlendra lána sem voru óvarin eftir fall bankanna 2008.

Eigið fé í lok tímabilsins var 13,9 ma.kr. á móti 11,9 ma.kr. um mitt ár 2009. Vegið eiginfjárhlutfall, svonefnt CAD-hlutfall, var í lok tímabilsins 82% samkvæmt Basel II reglum. 

Opinn kynningarfundur fyrir markaðsaðila verður haldinn fimmtudaginn 26. ágúst 2010 í starfsstöð sjóðsins, Borgartúni 30, 5 hæð. Óttar Guðjónsson framkvæmdastjóri mun kynna afkomu og efnahag sjóðsins ásamt því að svara spurningum. Kynningin hefst kl. 08:30.

Lánasjóður sveitarfélaga hefur farið yfir dóm Hæstaréttar, sem kveðinn var upp þann 16. júní sl., þar sem íslensk gengistryggð lán voru dæmd ólögmæt. Í dóminum er sérstaklega tekið fram að erlendar lántökur og lánveitingar eru heimilaðar. Í ljósi þessarar niðurstöðu er það mat lánasjóðsins að ekkert bendi til þess að þau erlendu lán sem lánasjóðurinn hefur endurlánað til sveitarfélaga séu í andstöðu við ákvæði laga um vexti og verðtryggingu nr. 38/2001.